香港新浪網 MySinaBlog
« 上一篇 | 下一篇 »
Winnie媽媽 | 30th Aug 2010 | 小天使~矮腳虎 | (65 Reads)

30/8/2010 

虎虎病情突然轉差, 肚腹水漲大到不能站立, 於是當晚即刻同佢去專一抽腹水, 因為沒有特別約時間, 只能為牠抽出部份, 約500ml, 往後的2日, 因為肚中還有大量腹水, 壓力下腹水不斷由針孔流出......可喜是水一路流, 虎虎的精神和胃口卻相對的好轉~

 

4/9/2010 

停止流腹水的第2日, 虎虎的肚又開始漲大, 心中亦已有準備要book 另一次抽腹水日子....... 心情沉重!

 

6/9/2010 

金仔發生意外, 指甲受傷, 流左好多血, 好彩呀菁剛巧黎探我, 即刻車我地去cau睇Dr. Li, 破財事小, 睇到佢好痛個樣真心痛! 不過因禍得福, 我順口問左Dr. Li about虎虎病情同腹水問題, 佢advise我帶虎虎再睇心臟專科check多次, may be有特別藥物可以令到佢腹水減少! 之後仲好彩, 再撞番個舊狗友, 佢爸爸係研制中藥粉, 佢話如果虎虎再睇西醫無效可以幫我轉中醫藥粉~

 

11/9/2010 

帶了虎虎 2:30pm 睇心臟專科Dr. Yang, 因為要為虎虎做一個全面詳細的心臟檢查, 而且會為虎虎抽腹水, 所以要留下虎虎, 說晚上10時先可以接回!

9點半已經急不及待到達cau, 希望可以第1時間見到虎虎.......可是牠的檢查還在進行中, 亦因為腹水的量太多, 需要再抽完再抽.....一路等.......結果直到零晨一點先可以入到手術室同虎虎相會, 差不多10小時的分離!!

檢查結果係虎虎的腹水應該由心臟引起.....牠右邊的心比左邊的發大了一倍有多, 心瓣開合遲緩, 因此血液倒流, 使到肚中積存大量腹水, 相信機能已經衰退得好嚴重! vet既表情語氣同對上2個幾乎一樣, 一樣係話盡人士, 看天意! 最後dr. yang 話會提升虎虎既藥量, 亦嘗試用另一種心臟藥, 希望達到我的願望, 希望將虎虎流腹水的速度減慢, 希望將抽腹水的時間拉長...希望虎虎唔辛苦, 希望.............

虎虎今次總共抽左1200ml 有多, 下午未抽時 12.65kg...到晚上抽完後變為 10.5kg, 足足輕了2.15kg, 回到家已經零晨2點幾, 真係好疲倦的一天~