香港新浪網 MySinaBlog
« 上一篇 | 下一篇 »
Winnie媽媽 | 20th Dec 2010 | 義工行動&感受~ | (10 Reads)

5月中場主起垃圾站執到一隻瘦到好似恐龍骨咁既小狗, 狗場金仔剛巧尋到家, 於是呢隻小狗就入住金仔以前既舊籠…

6月初入場第1眼見到呢個小朋友, 就有種好親切既感覺, 佢性格好好, 乖巧親人, 心中亦對牠許下承諾, 我會盡力為牠尋家~

一連多個領養日, 原先亦安排帶佢出去, 但到頭來就比一個一個意外打亂……一係比一竇一竇新執既狗b打尖, or比約好幫手既義工放飛機, 其間虎虎既病情又反覆!!!  唉….單憑我一個人既力量, sorry…小五, 你只好………慢慢等待!

9月尾, 小五終於有人睇中, 但送走前驗身卻又發現患上心絲蟲病, 無奈只好退回狗場醫治, 經過2個月既療程, 小五亦回復健康!

12月中得到好戰友幫忙, 我終於可以帶同小五出佢第一個領養日! 亦係最後一個~~

因為…………………

幸運之神再次降臨, 小五今次真的成功被領養了! 在此祝福小五以後幸福快樂!! 多謝幫過牠的任何一個人!