香港新浪網 MySinaBlog
« 上一篇 | 下一篇 »
Winnie媽媽 | 11th Mar 2010 | 義工行動&感受~ | (101 Reads)
B女, 一隻四啼蹉雪黑灰色虎蚊貓女, 2年前開始在村口餵流浪貓時就覺得你最醒目, 雖然你身形最嬌小, 望落就如一隻6個月大貓B, 但你卻是這群貓喵的領袖...!!

每一晚當我拎住食物出現時, 你一定是第1個跑來迎接我, 然後就好像帶路者一樣, 伴著我一路行到開餐地點!   舊年3月因為看到你一日一日長大的肚子, 於是急尋CCCP義工幫忙, 希望可以捉到你做TNR.  4月4日得到義工呀7幫忙, 將村口的流浪貓幾乎90%捉晒, 唯獨是捉不到我一心想捉的....你!!

你很聰明, 什至可以話係精LUC尾, 如果對比人類, 我相信你一定是IQ爆彭!  每次捉你失敗後你只會疏遠我幾日, 之後又若無其事的來接我, 帶路...什至如果當晚我遲了去餵你們, 你還會大搖大擺的帶住7-8隻貓喵來我家門口叫囂......隣居們看到都笑我欠你們, 還說很壯觀呢!!!!

從來沒想過放棄捉你做TNR, 不想看到你懷孕, 生B...但又唔見B出現 !!??  可是無論用任何方法都沒有1次成功......昨夜, 我又再接再勵嘗試捉你, 唉.!!  結果又再一次失敗, 還被你狼狼的咬了一口, 傷口到現在仍痛~ 

哎唷.....B女, 你究竟要到幾時才會乖乖就範呢?