香港新浪網 MySinaBlog
« 上一篇 | 下一篇 »
Winnie媽媽 | 15th Jan 2010 | 義工行動&感受~ | (206 Reads)

希望大家清楚明白...如果想幫流浪貓狗, 請自己行出第1步, 先做暫養, or 出錢搵地方安置佢地, 你肯幫, 之後一定會有人支持援手, 咁佢地既生存機會就係100%, 佢地既生命亦因你而改寫....

但如果你Call漁記 or SPCA, 佢地就變成得死路1條, 或者間唔中會有一兩隻好彩的, 這就尤如中合彩一樣, 機會有幾大???  

如果你話你唔知.....我現在就告訴你, 漁記接收動物後, 冇人認領, 4日後就會將其處死!!  起呢4日佢地生活就如一個地獄中, 佢地會染到一身病, 佢地會聽到隔離倉既狗被拖去處死時既哀鳴, 佢地會驚慌害怕直到生命結束...!!

漁記話如果適合領養會送去spca, 但到spca呢....你漁記話適合領養啫, spca未必會認同, 咁一樣會死, 好啦...就算叫做好彩的上左3樓領養部, 又有幾多隻可以過到1年, 冇人領養要死, 有小小病要死, 小小行為問題要死, 咬到人就更加要死, 唔需要理由, 資源不足一樣要死!!

其實我寧願spca唔接收動物, 唔好攪homing, 唔好比個假象大家, 處死佢地一個漁記就夠!

大家唔好天真的諗住Call完之後, 你就做左件好事, 唔好自欺欺人, 眼不見等如冇發生, 你call佢地, 唔多唔小變相亦係幫兇!! 

.......當然如果該流浪動物受重傷已經生不如死就例外~

義工亦如你一樣係普通人, 既然我地可以幫到呢d動物, 既然我地做到的, 你亦一樣可以...

既然你有緣遇到佢, 既然你諗過幫佢....不如坐言起行!!!