香港新浪網 MySinaBlog
Winnie媽媽 | 25th Nov 2009 | 小天使~波波 | (1 Reads)

星期日因為樂樂B發燒, 所以帶了去看VET.....

等待中, 護士姐姐問起波波, 我鼻子一酸, D眼淚已忍唔住, 原來波波你離開了我已經差唔多1個月啦...

呢段時間, 雖然我已經盡量唔刻意思念你, 但當看到貓咪圍住一齊瞓, 當聽到小米突然逝世, 又...每次帶佢地入到呢間獸醫診所....我都忍唔住!!!

波波, 還記得08年7月1日那隻錦上路貓B----(BB)? 牠亦同你一樣到了彩虹橋, 麻煩你幫手照顧下佢........牠 , 或者原來一早就應該離去, 牠的貓生雖短, 但得到呀LING一家愛錫,  都應該無憾!


Winnie媽媽 | 10th Nov 2009 | 義工行動&感受~ | (14 Reads)
今年6月, 狗場又救了一隻唐狗仔, 3-4個月大, 皮黃骨瘦, 傷痕纍纍.....當時因為工作繁忙, 結果到7月先入狗場, 先真正第1次接觸到 "金仔"~

 (閱讀全文)

Winnie媽媽 | 6th Nov 2009 | 小天使~波波 | (4 Reads)
 

波波愛兒:

你離開了我16日啦, 你在彩虹橋可好嗎?

2日天氣轉涼, 望住圍埋一齊瞓覺的貓咪, 不期然地就想起你, 個心好痛, 眼淚不停地流

你知道嗎, 加加自你走後, 嗲了很多, 每天不停的喵..!!  像跟我訴說好掛念你!!! 始終牠跟你是一同長大, 感情最要好最深!而我何嘗不思念你呢.....

波波, 話你知, 媽咪好叻, 以我半百的年齡, 上星期日還可以成功PASS獨木舟中級金章課程, 破了之前記錄爬了22.5KM既旅程啊!  雖然當天真的好倦, 但第2天已經完全復原! 真的老當益壯...呵呵!

BABY靚靚今星期又再次回到我家暫養, 呢隻可愛小狗B冇見10日長大了不少, 但就無減精靈活潑, 估唔到紅紅呢個爛玩妹咁乖, 佢好錫呢個小妹妹, 好就佢.  佢地2個可以不停地玩..., 而金仔終於有機會可以抖下啦! 但另一憂心係紅紅隻腳, 希望牠會盡快復原!

BABY的到來, 確實為吳家增添不少生氣, 雖然忙碌但亦可暫時減少我對你的思念~   波波…..請你為BABY祝福, 祝願一個咁GOODB可以好快有個5星級的家~

還記得我跟你說狗場的 金仔, 牠已經番入狗場了, 雖然經歷一個月之內轉了2個領養家和2個暫養家, 可幸牠生性樂觀, 並沒有因此而有情緒問題, 希望COMING的領養日, 牠真的可以遇到伯樂, 真的可以搵到一個會欣賞牠, 肯用時間心機教導牠的主人~

寄語那些偽君子….別再假仁假義, 別再散發那些假機會!!! 害了貓狗, 苦了義工, 損人不利己!!

波波, 你知道嗎.....你是一隻完美的貓, 你的一生亦活得完滿, 雖然現在完結, 但媽媽絕對無憾…….

永遠愛你的媽媽上

6-11-2009