香港新浪網 MySinaBlog
Winnie媽媽 | 30th Sep 2009 | 義工行動&感受~ | (2 Reads)

920 npv的領養日, 我帶了3隻狗狗去...包括 小黑b/比比/金仔...

當日我似乎好好運!.. 大家都好鄧我開心.....因為當日3隻都搵到家...

~可是不到24小時, 第一盆冷水撥落黎, 領養比比的人反口了!!!  原因係佢既停一停諗一諗係辦晒手續生, 確認晒領養, 結果只不過是生人霸死地, 損狗不利己後先黎認真諗~~~不過賽翁失馬, 以比比咁精靈, 大家有信心佢一定會搵到個好家庭.

金仔...當日係最後一個被領養, 狗場狗狗可以有人欣賞, 大家都好開心, 所以之後既家訪我地都特別緊張, 還邀請jacky安排他的徒弟義務為領養人上了一課, 可是今天牠亦要退回狗場, 唉~~~原因是業主不容許飼養大狗喎.

金仔其實係一隻happy dog, 見過佢既人都會被性格佢吸引, 或者真正的好運並未降臨在我或狗狗身上.

不過都係用果句安慰自己......賽翁失馬, 焉知非福, 只要有性恆心, 鐡柱磨成針!

加油~加油~加油~加油~加油~加油~加油~加油~加油~加油~加油~加油!!

講真幫狗狗re-home, 真的是一門高深學問, 當中辛苦不為外人道, 當然最仲要夾雜真正運氣,  而每一次我都擔驚受怕, 瞓唔安食唔落,  不過如果成功就係一個奇蹟 !!!

而家唯有期望小黑b唔好咁黑仔..可以真係re-home成功!!!

************************

另外.......希望10月波波病情穩定, 我可以抽身做回義工工作.....

希望10月可以再帶佢地去領養日...

希望10月唔好又中空寶....

希望10月一切順利....

 

哈哈...我唯有呀Q上身~


Winnie媽媽 | 28th Sep 2009 | 小天使~波波 | (3 Reads)

對於一隻18歲老貓, 我同自己講話已經有心理準備.....

可是, 當要面對時又是另一回事

......波波, 你乖仔, 我地一齊加油!!

*******************************

波波係腎衰竭...但一路打住皮下水針都控制得ok

星期5晚發現佢對腳水腫...跟住冇力...之後仲失禁

星期六再同佢睇vet, 照左超聲波...再驗血同量血壓

好在心臟ok正常, 但貧血, 鉀指數低, 肚有腹水

而家食緊抗生素, 補鉀水同去水藥, 再加營養膏同打皮下水針

因為佢本身腎衰竭, 容易缺水, 所以去水藥只能用輕量慢慢去腳同腹的水

另外佢仍然好衰弱, 企唔到, 所以要keep住抱佢去食野, 餵水...尿尿/屎屎

食左幾次藥, 腳的水腫開始慢慢消腫啦

返埋呢3日....就放4日假可以專心照顧佢

希望佢慢慢可以回復精神~


Winnie媽媽 | 7th Sep 2009 | 樂逍遙~

因為要上獨木舟course, 差唔多成個月都冇同佢地去玩啦, 於是星期日就帶佢地去左大棠玩一轉......由於怕天氣太熱, 所以晨咁早出發...8點鐘已經到達大棠, 行左2個幾鐘, 番到屋企剛好11點...之後同佢地沖埋涼......大家就齊齊覺覺豬zzzzzzzz!!!

今次金仔同虎虎都好叻呀, 自己行得好好, 2個老人家算係咁啦...淨係虎虎上山時需要抱左一陣~

樂b同紅紅...來來回回都不知跑得幾開心, 而我仲開心...因為沿途都有好多行山人士讚我家寶寶乖, 聽話喎..呵呵!!!!!