香港新浪網 MySinaBlog
Winnie媽媽 | 31st Aug 2009 | 小天使~波波 | (1 Reads)
尋日番到去, 發現波波左邊面近下巴腫左, 於是即刻同佢睇vet,
vet話佢應該係口腔腫瘤, 打左針, 食緊消炎藥同揸藥膏
為左唔使佢吞咁多藥...
所以我提議醫生比我將其中2隻抗生素加入佢每日打既皮下水內打入身體
but vet都話佢年紀咁大,只有盡人事
呢4個月同佢打皮下水針, 佢既身體狀況都控制得好好
唉~希望佢唔會有痛苦, 希望藥物對佢有用會有好轉~

波波..加油!!


Winnie媽媽 | 17th Aug 2009 | 義工行動&感受~ | (5 Reads)

永別了....跛腳媽媽 & 往往

願你倆一路好走!

我對跛腳媽媽的印象最深, 仲記得4年前 (2005年5月28日) 第1次踏入錦田狗場...可能因為佢缺少了一隻手, 亦可能因為佢唔怕人既性格....佢同一班仔女住起豬欄旁的一間房...好滿足亦好快樂.......狗場百幾隻狗之中.....除左PR大中中, 細耳, 我就記得佢~

之後每次入場...我差唔多都會入去見下佢...有時會同佢沖涼...有時就只係餵下雞條摸下佢, 每次見佢個為食樣...真係好可愛, 完全唔似一個10歲媽媽~

今年年初得知佢患上cancer, 心想一定要爭取時間...見多一面得一面~

仲記得3星期前...0725那天...幫工叮叮突然走黎同我講...說跛腳媽媽好似唔得啦..於是我放下工作, 急急的走去見佢...佢剛剛失禁完..於是我同幫工就合力為佢清潔身體...當時個心好痛, 我一路同佢抹身一路喊, 我摸住佢個頭仔...佢就好軟棉棉的瞓起床上..可能太虛弱, 就算連平時佢最鐘意的雞柳都唔願開口食......當時心中亦有預感呢次將會是與牠的永別~

結果第2日後佢真的離我們而去, 跛腳媽媽..... 我將會永遠懷念你, 請放心, 我應允你我會經常去探望你的仔女, 會用心愛錫佢地~

*********************************************

往往....你既笑容我會永遠記住, 能夠在你最後的日子探過你, 能夠為你送上美味雞條, 我亦無憾, 雖然傷心, 但願你一路好走, 希望彩虹橋上既你可以快樂健康~

*********************************************

最近有狗友msn問我狗場近況, 問有冇義工入場探狗狗幫手???  我說.....越黎越小!!!...近期仍能堅持入的就只得幾個!!

問到原因??.......我說無謂探究, 人生就係咁, 緣來緣去..當年經常入既義工大多已經唔再踏足狗場, 當日的義工隊伍..現在已經名存實亡,  所有熱情到今日已經變得冷淡冷清, 最近再睇番各人之前於義工回顧留言, 我真的好感慨, 亦好難受........無奈或者每人自家都有唔再幫狗場的原因!!!! God Knows~

但我選擇堅持, 對於錦田狗場的狗狗, 一班我自已家以外的小朋友, 我心中的契仔契女....對你們的愛, 我會珍惜!!