香港新浪網 MySinaBlog
Winnie媽媽 | 22nd May 2009 | 心肝寶貝狗狗~ | (4 Reads)

紅紅 : 喂!!  肥仔..你估媽咪今個星期日會帶我地去邊度玩?

金仔 : 哼! 冇大冇細, 金仔哥都唔叫聲...媽咪話你冇用呀, 以後唔帶你去玩!

紅紅 : 吓......點冇用呀? 金.......仔.......哥......!!!!(高8度)

金仔 : 嗱...好似上次5月3日我地由東涌去昂平咁......

金仔 : ..... 我地同爸爸玩水, 你就驚到呢起上面, 唔敢落黎..

金仔 : 回程時又周圍挖洞瞓覺唔肯行, 媽咪話你冇用好失禮呀!

紅紅 : 車!  咁你夠唔行要爸爸抱啦, 我抖下都自己行啦!

金仔 : 唔係喎, 未去之前爸爸都講明會抱我...因為爸爸錫我囉.

紅紅 : 我係么女,爸爸最錫我就真.........

金仔 : 休想,好似上星期日(5月17日)我地去白腊沙灘游水咁....

金仔 : 你咪成隻鵪鶉咁唔肯落水...媽媽叫極你又走..爸爸抱你又爭扎...咁點有用呀???...佢地點會最錫你呀?????......

紅紅 : 我...我...我...咁...咁...咁...Joey都唔游水....要uncle抱啦!

金仔 : 咁...咁...咁... 人地Joey姓羅, 你姓乜呀?仲有你衰到連爸爸抱你時,你抓佢呀....

紅紅 : 我...我...咁...咁...虎哥都唔游啦....

金仔 : 嘻嘻.....所以虎虎咪冇得去囉..

虎虎 : 喂....邊個話我冇得去??....金仔...你唔好亂講野呀!!  係我自己話唔去咋.....哼!!!

金仔 : 嘻嘻....係嘅...虎哥...SORRY...SORRY!!!

紅紅 : ......樂B哥以前都係唔游水架..

金仔 : 我地而家游得好好喎,爸爸話下次帶埋我地去爬獨木舟添

金仔 : .......總之呢.....嘿嘿...紅紅就係最冇用!!..以後個個星期日都冇街去!!! 呵呵....哈哈!!!

紅紅 : 嗚..嗚...嗚....(細喊)....唔制呀, 我唔係冇用, 嗚..嗚...嗚...(大喊)....我要去街街!!  嗚..嗚...嗚...(狂喊)!!!!!

樂B : 正一蠢妹, 金仔講你又信....wakakakaka!!

 

部份相片由yukie & nana提供, thanks.


Winnie媽媽 | 14th May 2009 | 樂逍遙~ | (1 Reads)

獨木舟教練同資深會員羊ME大婚,舉辦左一個與別不同既婚禮...好高興可以參加,好好玩好有心思,好難忘同感動!

5月10日....首先由我地40幾個成員由海豚獨木舟會出發爬去白沙洲呢個小小沙灘佈置, 同一時間,新娘同一眾親友就坐遊艇而來並停泊於海中心.

大約11點零.....不一樣的接新娘活動就開始了,新郎哥由沙灘爬獨木舟當花車去接新娘,之後兩人一齊爬回沙灘.....12:30再由律師主持和在百幾個親友見証下...羊ME就正式成為夫婦,跟住大家就起沙灘為呢對新人狂歡祝賀!!

婚禮既場地,當日天公做美,有陽光又有風~

我地分成2排人場...用呢d木掌搭成一道弓橋...讓一對新人穿過,跟住大家大叫新人既名同拮爆汽球..當時個氣氛同感覺真係一流!

因為我同呀明都係人場之一,所以此相片由海豚獨木舟會老友記FACEBOOK轉貼

我地為一對新人堆成既心形沙堆~

用獨木舟連成既2朵太陽花,漂浮在海面上,好搶眼!!

新郎哥正準備駕花舟去接新娘啦,風騷得佢丫~

一對新人從遊艇爬獨木舟來沙灘註冊, 好sweet好難忘!!

Me & Yeung....祝你倆百頭到老, 永遠恩愛幸福快樂!

在律師同在場百幾人見証下..禮成!!!!

此相片由海豚獨木舟會老友記FACEBOOK轉貼

WOO~呢個BB全副裝備..坐爸媽既獨木舟黎沙灘觀禮~勁!!

我地獨木舟會既PR狗小班..4個月大, 又係坐獨木舟黎沙灘...勁勁勁!!

 

後記:

明哥同我都好羨慕羊ME,如果我地還未結婚,我地都希望有個咁有心思難忘好玩既婚禮...HOHOHO...或者諗諗到我地紀念銀婚週年時攪攪...哈哈4年好快到~