香港新浪網 MySinaBlog
Winnie媽媽 | 28th Apr 2009 | 小天使~波波 | (6 Reads)

家有4狗8貓...佢地有病有痛就在所難免, 當然老貓老狗更令人掛心........

波波 (我的第一隻18歲老貓) 最近暴瘦和不肯進食,  於是上星期3晚急急帶去睇vet, 經驗血驗尿和照超聲波後証實腎功能衰退並有發炎, 有缺水情況...需要食藥&皮下水注射, 可幸心臟各樣機能仍然良好, vet話一隻咁老既貓, 我都算照顧得好好啦.

人...真係船到橋頭自然直, 當晚個vet示範一次點打皮下水針, 然後叫我番屋企自己同佢打, 我覺得真係好困難, 講真平時我見到針筒都會打冷震, 見到支針咁粗更加驚...but.......原來係冇得怕.

為了波波...我差不多晚晚都失眠, 由去睇vet到番屋企....佢都一路不停叫(閙), 咁佢一叫我就即時走去睇佢, 呵佢摸佢錫佢tum佢.....同時又要check住佢有冇食野, 飲水去toilet...早晚又要餵藥打針, 好在食藥和皮下水注射後佢已經開始慢慢肯自己進食, 總算暫時鬆口氣.....希望今晚覆診有好消息!!


Winnie媽媽 | 28th Apr 2009 | 隨心而寫~ | (11 Reads)

4月......真係令我忙得抖不過氣!!!

首先同村口既流浪貓絕育.....暫托貓女.....再放回原地....10幾日既照顧餵藥...真的好攰.

*************

剛巧移民美國的姊姊在復活節回來渡假, 兩年冇見, 真係超開心.....於是爭取見面機會.....仲特登攞左假同埋爸媽到珠海澳門玩幾日......可能佢地年紀大, 水土不服, 又可能感染風寒......兩個老人家居然同時又痾又嘔...於是急急的取消餘下行程番香港.  雖然掃興, 但最緊要佢地盡快康復!!! 

我諗老人家習慣每日既生活作息要一樣, 真係唔適應任何改變.......包括旅行!  父母年紀大.......只要佢地有些少唔舒服......就使人擔心......掛念.....唉....希望我可以為佢地承受一切!!!

************

收到壞消息......"她"一個我地好尊敬既姊姊cancer番發......雖要再接受療程, 好唔開心, 唯有希望佢可以得到祝福和正能量, 再一次順利戰勝癌魔,  為了她.........我決定從始介吃"牛".

************

家有4狗8貓...佢地有病有痛就在所難免, 當然老貓老狗更令人掛心........

波波 (我的第一隻18歲老貓) 最近暴瘦和不肯進食,  於是上星期3晚急急帶去睇vet, 經驗血驗尿和照超聲波後証實腎功能衰退並有發炎, 有缺水情況...需要食藥&皮下水注射, 可幸心臟各樣機能仍然良好, vet話一隻咁老既貓, 我都算照顧得好好啦.

人...真係船到橋頭自然直, 當晚個vet示範一次點打皮下水針, 然後叫我番屋企自己同佢打, 我覺得真係好困難, 講真平時我見到針筒都會打冷震, 見到支針咁粗更加驚...but.......原來係冇得怕.

為了波波...我差不多晚晚都失眠, 由去睇vet到番屋企....佢都一路不停叫(閙), 咁佢一叫我就即時走去睇佢, 呵佢摸佢錫佢tum佢.....同時又要check住佢有冇食野, 飲水去toilet...早晚又要餵藥打針, 好在食藥和皮下水注射後佢已經開始慢慢肯自己進食, 總算暫時鬆口氣.....希望今晚覆診有好消息!!

一不離二, 二不離三......波波病了, 金仔又有事, 真係人都癲.

金仔就因為耳內有酵母菌, (其實已經幫佢keep住洗耳仔) 但可能痕癢, 佢就狂fing耳仔, 於是攪到微絲血管裂左, 咁耳殼就腫大充血..成為所謂"血耳". 驗血後....10歲老狗既身體機能都ok ...原先book左上星期六做手術切開耳穀放血.....but 好好彩於手術前1日check過腫大左個位己慢慢收細...vet亦講話有機會會自己好..於是諗住觀望多幾日, 又或者等食晒14日藥後...希望佢自己好番唔使做手術......唔使我地擔心.

************

哎........佢地年紀大, 都預左會有病......but兩個一齊黎就真係好辛苦, 果種心力交瘁真係難以形容......

為左佢地我上網search左好多information, 眼淺既我都唔知流左幾多眼淚, 感覺自己尤如一條橡根拉得好行好行....

好想好想大喊一場, 好想好想大瞓一場!!


Winnie媽媽 | 7th Apr 2009 | 義工行動&感受~ | (37 Reads)

爭紮左好耐去餵村口既流浪貓, 好驚餵出感情, 擔心如果每日都去餵, 咁打風落雨, 自己有事...病了,牠們會點??...

但人生無常, 老病死....我無法控制, 正所謂今日唔知聽日事,  如果我唔敢踏出呢步, 我怕我會遺憾.....於是我調節自己諗法...."每晚去餵佢地見到佢地係bonus, 如果佢地唔知點解去了彩虹橋, 起碼每晚呢小小既乾糧能使牠們得以溫飽, 亦唔使因為肚餓要好危險咁走出馬路垃圾箱四圍搵野食...減少受傷死亡既機會"

但.....餵流浪貓另一煩惱就係怕佢地無止境繁殖......試想想眼看一個個天真稚氣既貓B女, 拖住個一日一日長大既肚...冇特別營養安胎, 冇安全既生產地點, 所生既BB亦輪落為流浪貓...個心真係會好心痛.  所以幫佢地絕育係最好既方法, 即係 CCCP 貓隻領域護理計劃 

***************

4月4日(星期六) 晚得到CCCP義工 呀7 同KC幫忙, 好好成績的捉到11隻流浪貓...其中5仔6女...當中3隻仲係大肚貓...安排了星期一做絕育手術. 當晚行動到零晨12點半, 第一次參與, 好緊張好興奮, 好有意義.

4月6日(星期一) 晚上...安排了6隻貓女回到我家休養7-14日, 而5隻仔原意係即晚放回原居地, 但因當晚落大雨, 於是11隻全部黎晒我度.    嘩~~~~呢班貓老細都好惡同嘈, 結果攪掂晒都已經零晨2點幾....可能辛勞過度, 又可能緊張擔心...竟然眼光光失眠, 到5點左右, 見雨已經停了,  個地又乾,  於是拿拿林帶5隻貓仔放回原居地...攪到6點先終於恰一恰, 7點半又開始餵食....

*******************

後記:

多謝呀菁幫忙轉介, 多謝CCCP義工呀7, KC 同簡小姐幫忙.

多謝DIDA媽, 黑麗特工, 莎莉借籠同埋為我打氣!!

當然特別多謝我既另一半, 完全支持我所做一切.

唯一可惜係捉唔到 "B女",  佢好靚女好聰明, 每晚一聽到我腳步聲就第一個跑出黎, 擔心佢個肚都鑼咁大, 希望另一次行動可以捉到佢!

最後希望呢班貓仔貓女可以快D康復, 雖然無家但都可以快樂健康成長!!