香港新浪網 MySinaBlog
Winnie媽媽 | 23rd Jan 2006 | 小天使~笨豬 | (3 Reads)

23/1/06

星期六唔該晒momotong陪我去睇笨豬火化


一路上都可以控制到,以為自己已經過度左


點知當一見番笨豬條屍,d睇淚就好似缺提咁


佢仍然好似瞓左咁好安祥,只不過身體就冷冰冰


45分鐘咁就變成一堆白骨,跟住亦變成灰


而家擺埋起May Chow個女個架度,等佢聽下經


直到2月尾跟埋佢地出海,將骨灰放落大海


咁就完全了結,希望笨豬以後快快樂樂


無論點,笨豬都會永遠起我心裏面!


Winnie媽媽 | 18th Jan 2006 | 心肝寶貝貓咪~ | (1 Reads)

18/1/06

金年休息左咁多日,都好番好多喇,
不過佢隻左後腳行路時仲有小小跛下跛下,
但好明顯一路進步,食野同大小二便都正常,
相信再休息耐d會完全康復~

不過佢個樣就好唔開心,而次次當我一開門,
個衰豬就行得好快咁想沖出門口,
尋晚終於買左條胸帶同佢出街,
起初唔肯行,但後來就好好多~

尋晚同老公講開,可能上天唔想我冇左笨豬太傷心,

所以就安排金年黎,等我要照顧佢分神唔會亂諗野


Winnie媽媽 | 17th Jan 2006 | 隨心而寫~ | (1 Reads)

17/1/06

心情慢慢開始平復!



但好可惜剛剛起金毛網見到網友仔仔爸原來都係13/1過左身


太英年早逝喇,得22歲,聽聞食左藥加飲酒~


好心痛,雖無一面之緣,但亦起網上傾過計


希望佢安息......



唔想評論係意外定點,不過就覺得好婉惜同傷感!


返觀我笨豬,佢好積極咁面對佢既貓生,雖然短暫


但佢同我一齊好努力咁行完409日,直至走既一刻都冇放棄


佢令到我既人生觀更加明確,更清識,相信第日我再遇到困難時更識面對


佢亦都教曉我地做人係唔可以咁輕言就放棄同結束生命


對我身邊既人,狗,貓要好好珍惜



多謝你.....我心肝仔小笨豬!


Love you forever~~~


Winnie媽媽 | 13th Jan 2006 | 小天使~笨豬 | (4 Reads)


1/12/2004 ~13/1/2006



2006年1月13日零辰1點30分
我心愛既笨豬終於離我而去
佢去得好安祥,完全冇任何痛楚
就像一個甜睡既嬰兒般,好滿足好安心咁離去
相信佢現在已經變成貓天使去到彩虹橋
寶貝 我知道你一定捨不得我為你傷心
我們曾經答應彼此 都要好好的過
因為我跟你之間 還牽著一條不斷的線
叫做緣份
有一天 總有那一天
我們會在彩虹橋相見
到時候 我會再在把你抱入懷內
到時候 我會再次親吻你的俊臉
到時候 我們將永不分離


Winnie媽媽 | 9th Jan 2006 | 心肝寶貝貓咪~ | (1 Reads)

9/1/2006
上星期六12點左右收到樓上3樓嚴先生電話
佢話車親我隻貓金年,我聽完差d喊出聲
後來佢話感覺後尾轆車過物件,再向到後鏡望
就見金年好快咁走過,所以佢好肯定係車到佢
當時我心諗,如果金年仲識走,係唔係應該冇生命危險
好彩係星期六,好彩就黎可以放工…
起返屋企途中,嚴太打電話比我
話已經搵到金年,仲抱左佢返我花園佢自己張床仔度
佢冇流血同表面傷痕,但就明顯好似好痛唔行得
過左慢長既車程,我終於返到屋企
而金年一見我就好嗲係咁喵,好似有好多苦對我呻
於是我即刻抱佢入袋,而嚴太亦一齊陪我去獸醫診所
經過獸醫詳細檢查同照左X光片
雖然佢冇骨折同內出血,心肺功能都正常
但佢後腳神經就似乎受損,唔可以企起身同反應奇慢
加上佢牙肉開始發白,有休克既徵狀
獸醫話一般比車撞到,有d病徵係要起24小時後至會出現
所以獸醫建議比佢留醫吊鹽水觀察1-2日
金年好乖女,一路比獸醫檢查都好合作
甚至照X光片都唔需要打鎮靜劑
尋日去接佢出院,佢精神都好好,一切都比想像理想
但起診所佢一路都冇小便,所以獸醫擔心佢膀胱會有事
不過好好彩佢一番到屋企就尿尿到
而返到屋企佢就係咁瞓……好安心咁一路瞓到而家
希望佢可以慢慢復原
其實而家我都唔可以肯定佢仲可唔可以行得返
如果真係傷到神經系統,話唔定佢會從始跛下跛下
不過都冇所謂,只要佢仍然生存,我就好感謝上天
亦希望佢福大命大,休息一排之後回復以往
呢件係意外事件,不過真係要多謝嚴先嚴太
如果佢地唔係咁有責任感同愛心
可以第一時間通知我幫我,可能金年會因為失救而死
金年原本係管理處養既,不過就冇人理佢冇野食
所以我就起花園供應佢食宿,久而久之
個個都話佢係我隻貓,當然我都認定佢係我個女
佢d性格好似狗,鍾意自由自在,最叻捉老鼠同雀仔
之前都想帶佢入屋,但佢就唔開心
而經過今次之後,我都唔會比佢再自由行囉
而呢個野孩子都係時候收心養性